ანანო ვეკუამ ავსტრალიაში, Sons of Eden-ში დაიწყო მუშაობა
28 თებერვალი 2024
საქართველოს აგრარული უნივერსიტეტის მევენახეობა-მეღვინეობის პროგრამის კურსდამთავრებულმა ანანო ვეკუამ კომპანია Sons of Eden-ში დაიწყო მუშაობა ასისტენტ-მეღვინის პოზიციაზე და ავსტრალიაში მეათე წარმატებული რთველისთვის ემზადება. მისი მთავარი საქმიანობაა თეთრი ღვინის ტექნოლოგიასა და ღვინის ხარისხის კონტროლი.
კომპანია Sons of Eden არსებობს 2000 წლიდან და ყოველწლიურად აწარმოებს ნახევარ მილიონ ღვინის ბოთლს.
ანანოს შეთავაზება ჰქონდა აგრეთვე კომპანია Yering Station Winery-დანაც, მაგრამ საბოლოოდ აირჩია Sons of Eden. მისთვის Sons of Eden-ის მთავარ მეღვინესთან მუშაობა ბევრად მეტი ცოდნისა და გამოცდილების მომტანი იქნება, რადგან იგი ახალი ზელანდიის 2007 წლის საუკეთესო მეღვინის ტიტულის მფლობელი და ავსტრალიის 2016 წლის საუკეთესო მეღვინის კონკურსის ფინალისტია.
საქართველოს აგრარული უნივერსიტეტის დამთავრებისთანავე, ანანომ სოფლის მეურნეობის სამინისტროს სამეცნიერო-კვლევითი ცენტრის ბაზაზე ყურძნის ჯიშების კვლევაზე დაიწყო მუშაობა, შემდეგ კორპორაცია „ქართულ ღვინოში" გააგრძელა გამოცდილების მიღება და პარალელურად, სამხრეთ აფრიკაში, Robertson-ის მეღვინეობაში მიიღო ერთი რთველი. იგი აგრეთვე მუშაობდა გერმანიაში Eva Fricke Winery-ში მევენახეობის მიმართულებით.

მსგავსი სიახლეები

28 აგვისტო 2025
ლაშა ხუციშვილი სწავლას აგრძელებს შვეიცარიაში, სადოქტორო პროგრამაზე

21 აგვისტო 2025
მარიამ ნავროზაშვილი სწავლას აგრძელებს University of Strasbourg-ის და University of Freiburg-ის ერთობლივ სამაგისტრო პროგრამაზე

20 აგვისტო 2025
გამოვლინდნენ კომპანია აგროსფეროს სტიპენდიანტები

11 ივლისი 2025
8000 მოსავალმა მეექვსედ უმასპინძლა აგრარული უნივერსიტეტის სტუდენტების ღვინის დეგუსტაციას

04 ივლისი 2025