კამპუსში სტუდენტური კონფერენცია „ნიადაგი და წყალი: სიცოცხლის წყარო“ ჩატარდა

კახა ბენდუქიძის კამპუსში აგრარული უნივერსიტეტის აგრონომიისა და ლანდშაფტის მენეჯმენტის სკოლის ორგანიზებით თენგიზ (გიზო) ურუშაძის სახელობის სტუდენტური კონფერენცია „ნიადაგი და წყალი: სიცოცხლის წყარო“ ჩატარდა.

კონფერენციის მიზანია ხელი შეუწყოს ნიადაგმცოდნეობის პოპულარიზაციას, სტუდენტების დაინტერესებას და ცნობიერების ამაღლებას ნიადაგის სამეცნიერო კვლევების შესახებ.

კონფერენციაში მონაწილეობა მიიღეს საქართველოს აგრარული უნივერსიტეტის, ქუთაისის აკაკი წერეთლის სახელმწიფო უნივერსიტეტის, ბათუმის შოთა რუსთაველის სახელმწიფო უნივერსიტეტის და სამცხე-ჯავახეთის სახელმწიფო უნივერსიტეტის სტუდენტებმა.