ნინო ქაჩლიშვილი კვლევითი პროგრამით იმყოფებოდა შვედეთში, Karolinska Institute-ში

26 სექტემბერი 2025

ბიოლოგიის პროგრამის სტუდენტი ნინო ქაჩლიშვილი ორთვიანი საზაფხულო, კვლევითი პროგრამით იმყოფებოდა შვედეთში, Karolinska Institute-ში. პროექტი სრულად დააფინანსა ამერიკულმა ფარმაცევტულმა კომპანიამ AMGEN.

ნინო ორი თვის მანძილზე მუშაობდა კვლევაზე, რომელიც მოიცავდა ნანონაწილაკების ანტიბაქტერიულ მოქმედებასა და მიკრონემსების (microneedles) ჩართვას ნანონაწილაკების Drug delivery სისტემაში. პროგრამის ფარგლებში, ნინო ესწრებოდა ასევე სამეცნიერო სიმპოზიუმს დიდ ბრიტანეთში, კემბრიჯის უნივერსიტეტში (Clare College).