ელენე ჩეკურიშვილი საწარმოო პრაქტიკას Lycee Viticole, Orange-ში გაივლის

საქართველოს აგრარული უნივერსიტეტის მევენახეობა-მეღვინეობის საბაკალავრო პროგრამის მეორე კურსის სტუდენტი, ელენე ჩეკურიშვილი საწარმოო პრაქტიკას საფრანგეთში Lycee Viticole, Orange-ში გაივლის.

აგრარულ უნივერსიტეტსა და Lycee Viticole, Orange-ს შორის არსებული თანამშრომლობის ფარგლებში, ელენე 15 აგვისტოდან ოქტომბრის ბოლომდე საწარმოო პრაქტიკას გაივლის საფრანგეთში, სადაც მონაწილეობას მიიღებს რთველის სამზადისში, რთველში და რთველის შემდგომ ეტაპებში.

როგორც კონკურსის შედეგად შერჩეულ სტუდენტს, ელენეს უფინანსდება საცხოვრებლის და მგზავრობის ხარჯები, ექნება ყოველთვიური სტიპენდია.