ნათია გოგოტიძისა და თაკო სულაქველიძის საკურსო პროექტი

აგრარული უნივერსიტეტის ბიზნესის სკოლის კურსდამთავრებული ნათია გოგოტიძე და თავისუფალი უნივერსიტეტის ბიზნესის სკოლის (ESM) კურსდამთავრებული თაკო სულაქველიძე ბოლო 1 წლის განმავლობაში მუშაობდნენ ახალ ციფრულ პროდუქტზე რიფლი/Ripple, რომელიც დასახელდა Parsons School of Design-ის 10 საუკეთესო საკურსო პროექტს შორის და წარმოდგენილი იქნება LG-ისა და The New School-ის ხელოვნური ინტელექტისა და დიზაინის საინაუგურაციო გამოფენაზე.

გამოფენა ნიუ იორკში 7 დეკემბერს გაიხსნა და 5 იანვრამდე გაგრძელდება.

ნათია გოგოტიძემ აგრარული უნივერსიტეტის, ხოლო თაკო სულაქველიძემ თავისუფალი უნივერსიტეტის დასრულების შემდეგ სწავლა Parsons School of Design-ის Strategic Design and Management-ის სამაგისტრო პროგრამაზე განაგრძეს.