საინჟინრო ტექნოლოგიის სკოლა

მშენებლობის სამაგისტრო პროგრამის აღწერა

საქართველოს აგრარული უნივერსიტეტის მშენებლობის სამაგისტრო პროგრამის მიზანს წარმოადგენს მოამზადოს მაგისტრი, რომელსაც ექნება საინჟინრო დისციპლინების და თანამედროვე ტექნოლოგიების შესაბამის სპეციალიზაციებში თეორიული და პრაქტიკული ცოდნა, რათა წარმართოს მრავალმხრივი, კომპლექსური საქმიანობა და იმუშაოს როგორც სახელმწიფო, ასევე კერძო სექტორში. მყარი საბაზისო ცოდნითა და დროის შესატყვისი უნარებით აღჭურვილი ადვილად შეძლებს დინამიკურად ცვალებად გარემოში ორიენტირებას და ამ გარემოსთან ადაპტაციას, გაცნობიერებული ექნება ახალი ორიგინალური იდეების შემუშავებისა და განხორციელების როლი.

მაგისტრანტს ექნება ცოდნა:

• მშენებლობაში გამოყენებული თანამედროვე მასალებისა და ნაკეთობების შესახებ;
• მათი თეორიული საფუძვლების შესახებ, რაც აუცილებელია ნაგებობებისა და კონსტრუქციების გაანგარიშებისათვის, ლითონის, ხის, ქვისა და რკინაბეტონის კონსტრუქციების კონსტრუირებისათვის;
• ობიექტზე სამშენებლო პროცესების განხორციელების შესახებ;
• შენობების აღჭურვის შესახებ წყალმომარაგების, წყალარინების, გათბობისა და ვენტილაციის სისტემებით;
• კვლევების დაგეგმვისა და დამოუკიდებლად განხორციელებისათვის.

სამაგისტრო პროგრამის წარმატებით დასრულების შემთხვევაში, კურსდამთავრებულს ენიჭება კვალიფიკაცია - მშენებლობის ინჟინერიის მაგისტრი. სამაგისტრო პროგრამის ხანგრძლივობაა 2 წელი.

ქმედებაზე დაფუძნებული სწავლება

სამშენებლო სამაგისტრო პროგრამა დატვირთულია პრაქტიკული მეცადინეობებით. პრაქტიკული მეცადინეობები მიმდინარეობს ქმედებაზე დაფუძნებული სწავლების მეთოდის (learning-by-doing) გამოყენებით, რაც ნიშნავს რომ სტუდენტები ეუფლებიან პროფესიას ინდივიდუალურად მუშაობის გზით. გარდა ამისა, პრაქტიკული/ლაბორატორიული მეცადინეობები სტუდენტთა მცირე ჯგუფებში ტარდება, რაც, თავის მხრივ, დადებითად აისახება სტუდენტების სწავლის შედეგებზე.

პროგრამის აღწერა