გამოვლინდნენ კომპანია აგროსფეროს სტიპენდიანტები

სოფლის მეურნეობის პროდუქციისა და აგროტექნიკის იმპორტიორი კომპანია აგროსფერო აგრარული უნივერსიტეტის 6 სტუდენტს ყოველთვიურ სტიპენდიას გადასცემს.

მიმდინარე წელს კომპანიის სტიპენდიანტები არიან სამი პროგრამის მაღალი აკადემიური მოსწრების სტუდენტები:

• აგრონომიის საბაკალავრო პროგრამის სტუდენტები ნათია გეგეშიძე, მარი ჭაღიაშვილი და მერაბ ხახიშვილი
• მევენახეობა-მეღვინეობის საბაკალავრო პროგრამის სტუდენტები: შალვა ოთარაშვილი და ლალი მწყერაშვილი
• მექანიკის ინჟინერიის საბაკალავრო პროგრამის სტუდენტი ბაქარ ჭყოიძე

კომპანია აგროსფერო, საქართველოს აგრარულ უნივერსიტეტთან მჭიდრო თანამშრომლობის ფარგლებში, სტუდენტთა მხარდასაჭერად ყოველთვიურ სტიპენდიას მეოთხე წელია გადასცემს III-IV კურსის მაღალი აკადემიური მოსწრებისა და სოფლის მეურნეობის სხვადასხვა სფეროში განვითარების სურვილის მქონე სტუდენტებს.