ანა ლუკიანოვა გაივლის საერთაშორისო პროგრამას ექოსკოპიის მიმართულებით

Veterinarium-ის მთავარი ვეტერინარი ანა ლუკიანოვა გაივლის ინტენსიური გადამზადების საერთაშორისო პროგრამას ექოსკოპიის მიმართულებით პორტუგალიაში, რომლის ხარჯებსაც დაფარავს საქართველოს აგრარული უნივერსიტეტი.

აგრარული უნივერსიტეტისათვის ერთ-ერთ პრიორიტეტს წარმოადგენს კლინიკის თანამშრომელთათვის საერთაშორისო განათლების მიღებაში ხელშეწყობა, რადგან ეს მნიშვნელოვანია საქართველოში ვეტერინარული სერვისების, განათლებისა და კვლევის განვითარებისათვის.

რაც შეეხება გადამზადების საერთაშორისო პროგრამას, ეს არის UniVets Global-ის პრაქტიკულ სწავლებაზე ორიენტირებული პროგრამა ექოსკოპიაში - Ultrasound Academy, რომელიც წარმოადგენს ექოსკოპიის სწავლის გამორჩეულ შესაძლებლობას ვეტერინარებისთვის, რადგან:

• თითოეულ მონაწილეს ეგზავნება თეორიული მასალები წინასწარ სამეცადინოდ;
• 5 დღის განმავლობაში მიმდინარეობს ინტენსიური, ქმედებაზე დაფუძნებული სწავლება (lerning by doing), სადაც მონაწილეები ვეტერინარი ექიმის ზედამხედველობის ქვეშ ექოსკოპიის სხვადასხვა აპარატთან მუშაობენ, აკეთებენ ექოსკოპიას და ვარჯიშობენ სურათის ინტერპრეტაციაში;
• სწავლება მიმდინარეობს მცირე ჯგუფებში (6 მონაწილე);
• მონაწილეებს ჰყავთ გამოცდილი ტუტორები, რომლებიც ეხმარებიან მათ სწავლის პროცესში.

პროგრამის პრაქტიკული ნაწილი ტარდება ლისაბონში 9-13 სექტემბრის პერიოდში. პროგრამის შესახებ ინფორმაცია.