ბარბარე ქურციკიძე ესტონეთში პროფესიულ გადამზადებას გაივლის

კლინიკა ვეტერინარიუმის ვეტერინარი, ბარბარე ქურციკიძე, ესტონეთის სიცოცხლის შემსწავლელ მეცნიერებათა უნივერსიტეტის წვრილი ცხოველების ვეტერინარულ კლინიკაში 2-კვირიან პროფესიულ პრაქტიკას გაივლის.

პროფესიული გადამზადება საქართველოს აგრარულ უნივერსიტეტსა და ესტონეთის სიცოცხლის შემსწავლელ მეცნიერებათა უნივერსიტეტს შორის არსებული პარტნიორობის ფარგლებში ხორციელდება.

ბარბარე ტარტუში 6 ივნისს გაემგზავრება. 

პრაქტიკის განმავლობაში იგი გამოცდილ ესტონელ ვეტერინარებსა და მენტორებთან ერთად ყოველდღიურ კლინიკურ საქმიანობაში ჩაერთვება, გაიღრმავებს პროფესიულ ცოდნას და კიდევ უფრო განივითარებს კლინიკურ უნარებს.