ციურიხის უცემენტო მენჯ-ბარძაყის სახსრის ჩანაცვლების სისტემა უკვე ვეტერინარიუმში

ციურიხის უცემენტო მენჯ-ბარძაყის სახსრის ჩანაცვლების სისტემა უკვე ვეტერინარიუმში.

KYON-ის ქირურგიულ ინსტრუმენტებთან ერთად საქართველოში უკვე ჩამოვიდა ციურიხის მენჯ-ბარძაყის სახსრის სრული ჩანაცვლების უცემენტო იმპლანტების სისტემა (Zurich Cementless Total Hip Replacement), რომელიც გამოიყენება ცხოველებში მაღალი ხარისხის პროთეზირებისათვის.
არსებულ იმპლანტებს შორის სწორედ ამ სისტემამ მოიპოვა ფართო კლინიკური გამოყენება ინოვაციური დიზაინის, ბიოშეთავსებადი მასალების და ძვლის ქსოვილთან გრძელვადიანი ჩაზრდის უნარის გამო.

იმის გამო, რომ ბარძაყის თავის პროთეზი კერამიკულია (მეტალის ნაცვლად), ხოლო ფოსოში პოლიეთილენის ნაცვლად გამოყენებულია პოლიეთერეთერკეტონი (PEEK) და კარბონის რკალი, ასევე ტაბუხის ფოსოს ასფერული გეომეტრიის წყალობით, პროთეზის ცვეთა დაყვანილია მინიმუმამდე და პრაქტიკულად რევიზიის საჭიროება არ არსებობს. სისტემას ახასიათებს მაღალი გამძლეობა ცვეთის მიმართ (resistance to wear).
ფოტოზე არის პაციენტი ბელი, რომელსაც იტალიაში მსოფლიოს წამყვანმა ორთოპედმა ქირურგმა ალდო ვეცონიმ ორივე კიდურზე გაუკეთა მენჯ-ბარძაყის სახსრის სრული ჩანაცვლება KYON-ის უცემენტო იმპლანტებით და ის თავს შესანიშნავად გრძნობს. ბელი პირველი ძაღლია საქართველოდან, რომელსაც ჩაუტარდა ეს ოპერაცია. მალე ეს შესაძლებელი იქნება საქართველოშიც.

Veterinarium-ის ქირურგიის განყოფილების უფროსმა ლაშა-გიორგი ჯაფარიძემ უკვე წარმატებით გაიარა KYON-ის საგანმანათლებლო პროგრამის ორი საფეხური. მესამე ეტაპის დასრულების შემდეგ სისტემა სრულად დაინერგება ჩვენს კლინიკაში.

მისი დანერგვის შემდეგ, Veterinarium იქნება ერთადერთი ვეტერინარული კლინიკა საქართველოში და მთელ სამხრეთ კავკასიაში, სადაც შესაძლებელი იქნება Zurich Cementless Total Hip Replacement ოპერაციის ჩატარება.