კბილების წმენდა ცხოველებისთვის

კლინიკა ვეტერინარიუმში შეგიძლიათ თქვენს კომპანიონ ცხოველებს კბილები გაუწმინდოთ.

პროცედურას ატარებს კლინიკის მთავარი ვეტერინარი და ქირურგიული განყოფილების უფროსი ლაშა-გიორგი ჯაფარიძე, ხოლო ანესთეზიას მართავს ანესთეზიოლოგი ნათია რობაქიძე.

კბილების წმენდა მნიშვნელოვან როლს ასრულებს ცხოველის ზოგადი ჯანმრთელობის შენარჩუნებაში. კბილებზე ნადებისა და ქვების დაგროვება იწვევს ღრძილების ანთებას (გინგივიტს), რაც დროთა განმავლობაში შეიძლება გადაიზარდოს პაროდონტიტში. ეს არა მხოლოდ ტკივილს და კბილების დაკარგვას იწვევს, არამედ ბაქტერიების სისხლში მოხვედრის შემთხვევაში, ზიანს აყენებს შინაგან ორგანოებს – გულს, ღვიძლს და თირკმელებს.

სწორედ ამიტომ, რეგულარული დენტალური პროფილაქტიკა და საჭიროების შემთხვევაში პირის ღრუს სანაცია აუცილებელია თქვენი ოთხფეხა მეგობრებისთვის.