კომპანიონი ცხოველების კბილების წმენდა ვეტერინარიუმში

კლინიკა ვეტერინარიუმში შეგიძლიათ თქვენს კომპანიონ ცხოველებს კბილები გაუწმინდოთ.

კბილების წმენდა მნიშვნელოვან როლს ასრულებს ცხოველის ზოგადი ჯანმრთელობის შენარჩუნებაში. კბილებზე ნადებისა და ქვების დაგროვება იწვევს ღრძილების ანთებას (გინგივიტს), რაც დროთა განმავლობაში შეიძლება გადაიზარდოს პაროდონტიტში. ეს არა მხოლოდ ტკივილს და კბილების დაკარგვას იწვევს, არამედ ბაქტერიების სისხლში მოხვედრის შემთხვევაში, ზიანს აყენებს შინაგან ორგანოებს - გულს, ღვიძლს და თირკმელებს.

სწორედ ამიტომ, რეგულარული დენტალური პროფილაქტიკა და საჭიროების შემთხვევაში პირის ღრუს სანაცია აუცილებელია თქვენი ოთხფეხა მეგობრებისთვის.

ფისოს, სახელად მითრას, გაუკეთდა წინასაანესთეზიო ანალიზები და გულის ულტრასონოგრაფიული კვლევა. შედეგების გაანალიზების შემდეგ, ფისოს ჩაუტარდა პირის ღრუს სანაცია და დაინფიცირებული კბილების ექსტრაქცია. სტომატოლოგიური პროცედურები გააკეთა კლინიკის ფართო პროფილის თერაპევტმა და სტომატოლოგმა ბარბარე ქურციკიძემ, ხოლო ანესთეზია მართა ანესთეზიოლოგმა ნათია რობაქიძემ.