კომპანიონი ცხოველების შინაგანი მედიცინის 36-ე ევროპული კონგრესი

კლინიკა ვეტერინარიუმის ანესთეზიოლოგმა და კარდიოლოგმა, ნათია რობაქიძემ მონაწილეობა მიიღო კომპანიონი ცხოველების შინაგანი მედიცინის 36-ე ევროპულ კონგრესში (36th ECVIM-CA Congress 2026), რომელიც 2026 წლის 10-12 სექტემბერს ბერლინში გაიმართა. 

კონგრესზე სფეროს წამყვანმა სპეციალისტებმა განიხილეს უახლესი სამეცნიერო კვლევები, დიაგნოსტიკური მეთოდები და მკურნალობის თანამედროვე მიდგომები ისეთ მიმართულებებში, როგორებიცაა შინაგანი მედიცინა, კარდიოლოგია, გასტროენტეროლოგია, ჰეპატოლოგია, ენდოკრინოლოგია, ნეფროლოგია და უროლოგია, ონკოლოგია და კატების მედიცინა.

ასევე, 9 სექტემბერს ნათია დაესწრო ევროპის ვეტერინარული კარდიოლოგიის საზოგადოების წინასაკონგრესო შეხვედრას (ESVC Precongress). შეხვედრაზე განიხილეს გულ-სისხლძარღვთა სისტემის სხვადასხვა პათოლოგია და დიაგნოსტიკის თანამედროვე მეთოდები. 

ნათია რობაქიძის ვეტერინარულ საერთაშორისო კონგრესში მონაწილეობისა ხარჯები სრულად დააფინანსა Animal Health Solutions-მა. 

კონგრესის შესახებ დეტალური ინფორმაცია იხილეთ ოფიციალურ ვებგვერდზე⁠: https://www.ecvimcongress.org/

ფოტოზე ნათია რობაქიძე პროფესორ იენს ჰეგსტრომთან (Jens Häggström) ერთადაა. ის შვედეთის აგრარულ მეცნიერებათა უნივერსიტეტის (SLU) კომპანიონი ცხოველების შინაგანი მედიცინის პროფესორი და ESAVS-ის კარდიოლოგიის კურსების ლექტორია. პროფესორი ჰეგსტრომი ნათიას ასწავლიდა ESAVS-ის კარდიოლოგიის პროგრამის ფარგლებში, რომელიც ნათიამ ესპანეთში გაიარა.