კომპანიონი ცხოველების ვეტერინარული შინაგანი მედიცინის ევროპული კონგრესი

ვეტერინარიუმის ვეტერინარი ასისტენტი, რიჩარდ თავდგირიძე, 10-12 სექტემბერს, ბერლინში დაესწრება კომპანიონი ცხოველების ვეტერინარული შინაგანი მედიცინის ევროპულ კონგრესს - ECVIM-CA Congress.

კონგრესის ფარგლებში ვეტერინარიის სფეროს წამყვანი სპეციალისტები განიხილავენ შინაგანი მედიცინის ისეთ მნიშვნელოვან მიმართულებებს, როგორიცაა: გასტროენტეროლოგია, ჰეპატოლოგია, ნეფროლოგია და უროლოგია, ონკოლოგია, კარდიოლოგია და სხვა. 

გარდა ამისა, ვეტერინარიუმის თანამშრომელთა განვითარების ფონდის მხარდაჭერით, რიჩარდი 9 სექტემბერს დაესწრება პრეკონგრეს-სესიას, რომელიც ენდოკრინოლოგიას ეძღვნება. 

კონგრესი წარმოადგენს ერთ-ერთ ყველაზე მნიშვნელოვან საერთაშორისო პლატფორმას, სადაც წარმოდგენილია უახლესი კლინიკური კვლევები, თანამედროვე დიაგნოსტიკური და თერაპიული მიდგომები.