ვეტერინარიულ ორთოპედიაში ახალი ერა ვეტერინარიუმში იწყება. 

20 აგვისტოს ვეტერინარიუმი გახდა პირველი ვეტერინარიული კლინიკა საქართველოში და მთლიანად რეგიონში, სადაც ცხოველებს მენჯ-ბარძაყის სახსრის სრული  ჩანაცვლება შვეიცარიული კომპანია KYON-ის უცემენტო საპროთეზო სისტემით გაუკეთდათ.

პაციენტები იყვნენ სპეციალურად სომხეთიდან ჩამოყვანილი გოლდენ რეტრივერი და ამერიკული ოჯახის გერმანული ნაგაზი. ოპერაციები ვეტერინარიუმის მთავარმა ვეტერინარმა, ლაშა-გიორგი ჯაფარიძემ გააკეთა, ბელგიელი ვეტერინარი ორთოპედი ქირურგისა და KYON-ის ინსტრუქტორის, კრის კემპსის ასისტირებით. ანესთეზიის მართვა ვეტერინარიუმის ანესთეზიოლოგმა, ნათია რობაქიძემ უზრუნველყო.