ვეტერინარიუმის გუნდს შემოუერთდა მარიამ ბერიშვილი

ვეტერინარიუმის გუნდს თერაპიის მიმართულებით ვეტერინარი ასისტენტის პოზიციაზე შემოუერთდა მარიამ ბერიშვილი. მარიამი ასევე საქართველოს აგრარული უნივერსიტეტის ვეტერინარული მედიცინის სკოლის მაგისტრანტია.

საქართველოს აგრარულ უნივერსიტეტსა და ესტონეთის სიცოცხლის მეცნიერებათა შემსწავლელ უნივერსიტეტს შორის არსებული გაცვლითი პროგრამის ფარგლებში, მარიამმა 2 სემესტრი ისწავლა და ინტენსიური პროფესიული პრაქტიკა გაიარა ესტონეთში.

ესტონეთში სწავლის პერიოდში მარიამმა წარმატებით გაიარა ისეთი მნიშვნელოვანი დისციპლინები/კურსები, როგორიცაა: დერმატოლოგია და ალერგოლოგია, ოფთალმოლოგია, ნევროლოგია, ანესთეზიოლოგია, ტკივილის მართვა, კლინიკური ფარმაკოლოგია, პათოლოგიური მორფოლოგია და ნეკროფსია, ცხოველთა ინფექციური დაავადებები, პარაზიტოლოგია და პარაზიტული დაავადებები, წვრილი ცხოველების შინაგანი დაავადებები, ქირურგია, წვრილი ცხოველების კლინიკურ-ლაბორატორიული დიაგნოსტიკა, ფრინველის დაავადებები და ვეტერინარული კლინიკური უნარები.

ასევე მნიშვნელოვანია, რომ მარიამმა გაიარა ინტენსიური 7-კვირიანი პრაქტიკული სწავლება წვრილი ცხოველების მედიცინაში ესტონეთის სიცოცხლის შემსწავლელ მეცნიერებათა უნივერსიტეტის ვეტერინარულ კლინიკაში. სადაც გამოცდილი ექიმები მენტორობას უწევდნენ, უზიარებდნენ ცოდნას და ხელს უწყობდნენ მისი პრაქტიკული უნარების განვითარებას.