ვეტერინარიუმის კიდევ ერთი თანამშრომელი გაივლის ინტენსიურ პრაქტიკას ესტონეთში

ვეტერინარიუმის კიდევ ერთი თანამშრომელი გაივლის ინტენსიურ პრაქტიკას ესტონეთში.

კლინიკა ვეტერინარიუმის ვეტერინარი-ასისტენტი ლუკა ღლონტი ესტონეთის სიცოცხლის შემსწავლელ მეცნიერებათა უნივერსიტეტში, წვრილი ცხოველების მედიცინის მიმართულებით, გაივლის 7-კვირიან ინტენსიურ პრაქტიკულ კურსს, რომლის მოცულობაც 10 კრედიტს შეადგენს.

პრაქტიკული კურსი ჩატარდება ამავე უნივერსიტეტის ვეტერინარულ კლინიკაში, სადაც გამოცდილ ექიმებთან ერთად ლუკა მენტორობის ფარგლებში მიიღებს პრაქტიკულ გამოცდილებას, გაიღრმავებს ცოდნას და განივითარებს კლინიკურ უნარებს.

ლუკა ტარტუში ოქტომბერში გაემგზავრება. მისი გამგზავრებისა და ცხოვრების ხარჯებს ფარავს კლინიკა ვეტერინარიუმის თანამშრომელთა განვითარების ფონდი და კახა ბენდუქიძის ცოდნის ფონდი.

აღსანიშნავია, რომ 2024 წელს ლუკა უკვე სწავლობდა ერთი სემესტრის განმავლობაში ესტონეთში საქართველოს აგრარულ უნივერსიტეტსა და ესტონეთის სიცოცხლის შემსწავლელ მეცნიერებათა უნივერსიტეტს შორის არსებული გაცვლითი პროგრამის ფარგლებში.

სწავლის პერიოდში მან ყველა საგანი უმაღლესი შეფასებით დაასრულა და გაიარა ისეთი მნიშვნელოვანი დისციპლინები, როგორიცაა: ქირურგია, ვეტერინარული კლინიკური უნარები, პარაზიტოლოგია და პარაზიტული დაავადებები, დერმატოლოგია და ალერგოლოგია, კლინიკური ფარმაკოლოგია, წვრილი ცხოველების კლინიკურ-ლაბორატორიული დიაგნოსტიკა და ფრინველის დაავადებები.